Ayala interesado mopalit sa luna sa lalawigan sa Lahug

DILI lang ang kagamhanan sa dakbayan sa Sugbo ma­oy interesado sa luna sa Kapitolyo nga anaa atubangan sa IT Park.

Matod ni Gob. Hilario Davide III, nipadayag sab ug interes niini ang Ayala sa pag-manage o pagdumala sa luna.

Una niini, nihangyo si Cebu City Mayor Tomas Osmeña kang Gob. Davide nga itugot ang pagpagamit sa maong luna isip parking area nunot sa taas nga singil sa parking fee sulod mismo sa IT Park, diin daghan na usab ang nireklamo.

Ang siyudad na maoy mo-manage niini ug hatagan lang ang Kapitolyo sa “share” niini sa kita.

Apan gitug-an ni Davide nga sa miaging tuig, nipadayag ug interes ang Ayala sa maong luna ug gani nakahimo na sab sila ug kasabutan “in principle” alang niini.

Giklaro hinuon sa gobernador nga wala pa gyuy pinal nga desisyon ang probinsiya labot sa maong hisgutanan ug mao kini hinungdan nga pakig-storyahan niya si Ma­yor Osmeña.

Hugot hinuon iyang baruganan nga bisan asa man sa siyudad o Ayala ang pinal nga modumala sa luna, kinahanglang menus ang ilang singil sa parking fee, nga mao ang isyu nga nakapaag­hat sa Kapitolyo pagpagamit niini. (AZDL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph