MANILA- Niadtong Martes, akong nasaksihan ang graduation sa bagets nga si Yogo Singh sa high school sa ALS o Alternative Learning System. Ang iyang school, Sacred Heart Parish Shrine (ALS Janssen).
Ang namatay nga si Direk Maryo J. delos Reyes (tatay-tatayan ni Yogo) ang nag-decide nga sa ALS na lang siya paeskuwelahon since that time, busy si Yogo og daghan siyang raket, dili niya kaya ang mag-regular schooling.
Apil si Yogo sa unang batch nga migradwar sa K-12 scheme but since sa ALS si Yogo, daghan siyang mga classmate nga mas tiguwang niya, ang uban, mga nanay na jud.
Akong nahimamat ang classmate ni Yogo, si Kuya Jimmy, 54 anyos na ug “homeless.” Dako ang pasalamat ni Kuya Jimmy nga may ALS nga maoy nakatabang aron mahuman niya ang high school.
Gipangutana ko si Kuya Jimmy kung mopadayon ba siya sa college, dili na kuno og mangita na lang siya og trabaho.
Matod ni Yogo nga iyang ipahinungod ang iyang sertipiko o diploma sa iyang daddy Maryo J. delos Reyes. Plano ni Yogo nga right after sa iyang graduation, iyang duawon ang iyang Daddy Direk Maryo sa iyang lubnganan sa Himlayang Pilipino.
Actually, saksi ako kon unsa ka palangga ni Direk Maryo ug sa iyang partner nga si Jake si Yogo. Sa simbahan sa Sacred Heart gipahigayon ang commencement exercise og pagkatapos, gipauban ako ni Yogo sa Tramway (Eat All You Can) kay may nanlibre kaniya, family friend nila, si Zaldee.
Human namog pangaon, paubanon unta ako ni Yogo sa lubnganan ni Direk Maryo pero wala na ko mokuyog kay may lain pa akong event.
Bisan og giisip nga anak-anakan nila ni Direk Maryo ug Jake si Yogo pero wala kini’y nakuhang mana kang Direk.
Matod sa mga igsoon ni Direk, way mapunta kang Yogo tungod kay walay gihimong last will and testament si Direk Maryo nga kon pananglit mamatay siya, may mapunta kang Yogo.
Okey lang naman kang Yogo og karong hamtong na jud siya og nalampasan na niya ang awkward age, puwede na siya hatagan og role nga pang-ulitawo.
Aduna ako’y video kabahin sa pag-graduate ni Yogo nga makita sa akong YouTube channel (Timmy Basil). Kung ganahan mo, i-share ninyo ug paki-subscribe na rin.