Bahin sa liderato

Mga duwa karon

5:15 pm- SHS-AdC batok USJR (jrs)

6:45 pm- USC batok USJR (srs)

MOSUWAY pagkuha og bahin sa liderato ang University of San Carlos (USC) Warriors sa ilang pagpakigbatok sa University of San Jose Recoletos (USJR) Jaguars sa main game karong gabii sa Cebu Schools Athletic Foundation Inc. (CESAFI) college division sa Cebu Coliseum.

Sa premirong duwa, ang high school defending champions Sacred Heart School-Ateneo de Cebu (SHS-AdC) Magis Eagles (4-0) makigsangka sa USJR Baby Jaguars (1-1).

Ang Warriors ni coach Brit Reroma kasamtangang naggunit og 3-0 nga rekord sunod sa league-leader University of the Visayas (UV) Green Lancers, nga naggunit og 4-0 nga baraha.

Ang Jaguars ni coach Jun Noel adunay mangil-ad nga 1-3 nga rekord apan wala kini nagpasabot nga huyang ang ilang puwersa.

Kon buot hunahunaon, ang rekord gyud unta sa Jaguars kay 2-2 apan gibali lang ang resulta sa ilang dakong kadaugan batok sa University of Cebu (UC) Webmasters, 85-68, niadtong Agusto 1.

Ang Cesafi mi-forfeit sa Jaguars sa maong duwa gumikan kay wala nila nasumiter sa gitagal nga oras ang resulta sa ECG sa ilang mga magduduwa, nga maoy usa sa mga patakaran sa liga.

Sa lain nilang duha ka mga pilde, ang Ja­guars nakahatag og sak­tong kombati una kini mingluhod batok sa parehong lig-ong teams nga UV Green Lancers, 82-89, niadtong Agusto 6 ug defending champions Southwestern University (SWU) Cobras, 76-86.

Ang bugtong opisyal nga kadaugan sa Jaguars nagpakita nga dili sab bastabasta ang ilang puwersa tungod kay ilang gipanglubong nga buhi ang Cebu Institute of Technology University (CITU) Wildcats, 102-71, niadtong Agusto 11.

Ang Warriors magsalig og maayo nila ni Ian Tagapan,imports Shooster Olago, Ian Ortega, Charles Pepito, William McAloney ug Victor Rabat.

Samtang ang Jaguars mosandig sa katakos nila ni Mark Labares, Jaybie Mantilla, Juan Gastador, Ricky Piromingan, Ralph Dinolan, ug Kevin Villafranca.

Sa mga duwa niadtong Martes, gipangmakmak sa UC Baby Webmasters ang UV Baby Green Lancers, 70-64, sa high school division samtang gipangpukan sa USC Warriors ang CITU Wildcats, 83-75, sa college category.

Puntos matag usa

1st game (jrs)

UC (70) - Cuyos 21, Mangubat 20, Gabisan 15, Soco 5, Umpad 5, Abejo 3, Hemida 1

UV (64) - Cabahug 27, Laurente 17, Maglasang 9, Ro, Alforque 5, Membrano 3, Ra. Alforque 2, Yerro 2

2nd game (srs)

USC (83) - Tagapan 29, Olago 17, Ortega 13, Pepito 8, McAloney 7, Rabat 3, Magat 2, Suarez 2, Laguyo 2

CIT-U (75) - Dela Cerna 27, Bucao 16, Pono 7, Lucena 7, Kong 7, Taghoy 5, Dimco 4, Sanchez 2.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph