Balay sa sundalo nasunog

GILAMOY sa kalayo ang panimalay sa magtiayong sundalo niadtong Dominggo, Septembre 24, sa Block 5, Lot 4, MtGrays Street, Believue Subdivision, Upper Carmen ning dakbayan sa Cagayan de Oro.

Mokabat ngadto sa P200 mil ang natalang damyos sa balay nga gipanag-iyahan nila Major Mary Glenda Econar ug Staff Sergeant Carlito Econar.

Sa nahipos nga impormasiyon gikan sa Bureau of Fire and Protection (BFP)-Northern Mindanao gikabutyag nga padayon pa ang ilang imbestigasiyon kalabot na sa hinungdan sa maong sunog.

Gikabutyag nga base sa saysay sa biktima nagsumikad ang pag-ulbo sa kalayo sa lawak sa maong panimalay.

Nasayran nga nagsugod ang pag-ulbo sa dakong kalayo mga alas 6:42 sa hapon sa adlaw nga Dominggo, September 24, ug gideklarang kontrolado na mga alas 6:58 hangtod nga na fire-out mga alas 7:08 sa kagabhion.

Swerteng wala’y natalang samdan o naangol atong sa maong panghitabo ug wala na usab kini makakuyanap sa kasikbit nga mga panimalay.

Sa pagsulat niini nga balita padayon pa ang tinugyanan sa BFP sa pagsuta sa tinuod nga hinungdan sa maong kalit nga pag-ulbo sa kalayo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph