MANILA – Tinuod nga nindot tan-awon kon puti ang mga ngipon sa usa ka tawo ilabi na kon celebrity ka apan kon nahinubra na ka puti morag lain na tan-awon.
Daghang nakamatikod sa bag-ong hitsura og kaputi-on sa mga ngipon karon sa usa ka aktres.
Layo kaayo kini sa iyang mga orig nga ngipon kaniadto kay karon sobra kini sa kaputi ug nabag-o ang tubo, gidudahan nga implant ang pipila ka ngipon (kon di man tanan).
May mga bag-ong tarpaulin karon si sikat nga aktres nga nakikita sa mga major roads sa Manila ug bisan sa Cebu aduna na sab siyay nga billboard ad tungod kay may giduso siyang usa ka produkto.
Yun na nga, layo ra kaayo ang iyang mga ngipon karon kon itandi kaniadto.
May bag-ong adunahang uyab ang sikat nga aktres karon ug bahin nga mao kini ang iyang sponsor o kaugalingon niyang sapi ang iyang gibayad sa pagpausab sa iyang mga tango?
Or basin sponsor o ex-deal lang hehehe, kay mga adunahan lang ang maka-afford sa maong service.
Ambot lang sa uban pero para nako, mas preferred kong motan-aw og ngipon nga medyo yellowish kay nasayod ako nga tinuod ug lig-on kesa ngipon nga haskang putia.
****
May dakong challenge si Inigo Pascual kini kon unsaon niya mapantayan ang kasikatan sa iyang amahan nga si Piolo Pascual.
Stressful, pero sa tan-aw ko niabot na ang panahon nga dili na kinahanglang i-pressure pa ni Inigo ang iyang kaugalingon masundan lang ang mga tunob sa iyang amahan (ilabi na sa pag-arte).
Sa tan-aw ko, pinaagi sa iyang hit song nga "Dahil Sa 'Yo" nakakuha og dakong puntos si Inigo nga dili na niya kinahanglang sundan ang footsteps sa iyang tatay, this time sikat na siya in his own way og kini pinaagi sa musika.
Super sikat karon ang nahisgutang kanta, way bagets nga wa makaantigo ani og kusog ang sales sa album ni Inigo.
Di ko lang sure kon na-awardan na sa ASAP ang album o kanta ni Inigo pero kung wala pa dapat siguro ihatag na kini kang Inigo.
Sakto ang desisyon sa mga migunit sa renda sa career ni Inigo nga imbes sa acting sa music siya gibutang og dinhi napamatud-an nga without really trying ug pinaagi niini puwede niyang mapantayan ang kasikatan sa iyang amahan nga si Piolo Pascual.