KADUHA nanguros og litok "simbako iyara palayo" si Linda sa kakulba og kahadlok dihang iyang nabasa ang “The Big One” nga balita nga napatik sa peryudiko niadtong miaging semana.
Ang Philippine Institute of Volcanology and Seismology (Phivolcs) mi-awhag sa publiko pagpangandam labi na niadtong nanimuyo sa mga lungsod nga nag-alirong sa Metro Manila ug mga kasikbit nga probinsiya niini, dili para manghadlok kon dili para maka-andam kay sugod karon hangtod sa mosunod nga mga adlaw, buwan o tuig, posibling mo-igo ang gikahandlukang 7.2 magnitude nga linog kay nagsugod na paglihok ang mga dagkong liki’ ilawom sa yuta (fault).
Gani, si Avenix Arcenas, ang tigpamaba sa Provincial Disaster Risks Reduction and Management Council ining mga lugara mi-ingon nga ang nanimuyo sa mga tag-as nga edipisyo og daplin sa baybayon mag-andam na daan para daling maka bakwit ngadto sa hataas nga mga lugar o bukid kay posibling mo-abot og tulo ka andana sa edipisyo ang gibana-banang gitas-on sa mohapak nga Stunami human sa linog.
Ang pag-igo sa linog ug tsunami dili matag-an ug mapugngan kay iya man kini sa kinaiyahan. Ang atong mahimo aron ma minusan ang damyos og kinabuhi nga manga-angol ug makalas mao ang insaktong pagpangandam.
Kini akong ipa-ambit karon listahan sa mga angay andamon matag banay panahon sa emerhensiya:
Pinaka una ang tubig nga mainon. Usa ka galon nga tubig matag tawo sulod sa tulo ka adlaw. Flashlight og extra nga bag-ong baterya, 5-6 ka sinena, habol o sleeping bag. Paglain daan og gamay nga cash, pagkaong de lata, pan, biscuits nga dugay madaot. Ayaw kalimti ang toothbrush, sabon og hygiene kit (sanitary napkin o diaper).
Importante sab ang First Aide Kit ug tambal para sa edaran. Makatabang ang ginagmay nga tools (gunting, kutsilyo, abre-lata, pisi, martilyo, pliers, screw driver, tape, ballpen, pentil pen, og papel).
Isulod daan og baga nga plastic ang mga importanting dokumento. Mas maayo kung maka photo copy ka.