Bisdak Magasin Bangga sa Sayaw north caravan

MGA kaBisdak sa norte sa Sugbo, atangi ninyo ang Sun.Star Bisdak Magasin Bangga sa Sayaw caravan nga moagi sa inyong dapit karong adlawa ug ugma uban sa Isuzu, International Phamaceutical, Inc. (IPI), Beautiful Horizon ug Sunpride.

Ang Bisdak Magasin kauban sa nahisgotang sponsors manghatag og libreng produkto ug mohatag og hamubo nga pasundayag sa mga pinili nga lungsod sa norte uban sa pagpakighiusa sa mga lokal nga kagamhanan.

Ang caravan unang mohimo og 40-minutos nga pasundayag duol sa munisipyo sa Liloan karong alas 9:00 sa buntag.

Sa hamubo nga programa, mosayaw ang mana­naog sa Bangga sa Sayas 2014 uban sa mga seski nga mananayaw ug pagpanghatag og libreng papremyo.

Ang sunod nga pasundayag ipahigayon sa dakbayan sa Danao sa ala una sa hapon duol gihapon sa City Hall ug pagka alas ala 3:30 sa hapon,a ng caravan adto mohunong sa dakbayan sa Bogo alang sa pagpahiagyon sa samang pasundayag.

Apan ang kalungsoran nga maagian dili usab magmahay human hunongan kini og kadali aron pagpanghatag og mga libreng produkto.

Pagkaugma, Biyernes, ang caravan mopasunda­yag sa gym sa lungsos sa San Remegio, alas 9:00 sa bunatg. Pagka alas 12:00 sa udto, ang grupo mopasundayag sa lungsod sa Tuburan ug pagka alas 3:00 sa hapon, ang pasundayag ipahigayon sa lungsod sa Balamban.

Sayaw

Alang sa mga grupo sa mga batan-on nga hulig nga mosayaw, mahimong magparehistro o mangutana sa detalye sa mas gipalapdan ug gipadak-an nga Sun.Star Bisdak Magasin Bangga sa Sayaw 2015.

Kon kanhi Metro Cebu Edition lang, karon provinice-wide na kini nga dunay ganti nga P50 mil alang sa kampiyon, P30 mil sa ikaduhang dapit ug P20 mil sa ikatuling dapit.

Dunay espisyal nga ganti nga P10 mil nga Texter’s Choice by Globe nga madawat sa mapili nga grupo ug laing P10 mil Barangay Choice Award nga madawat sa barangay sa grupo nga mahimong kampiyon.

Busa, importante nga ang grupo ituboy ug gisa­gop sa barangay. Ang duhang detalye mabasa posters ug print ads sa Bangga sa Sayaw 2015. Mahimo kini ipangutana sa mga personahe sa Bisdak Magasin sa caravan karon ug ugma.

Sa Bangga sa Sayaw, duna kini qualifying round alang sa norte sa Sugbo nga ipahigayon sa SM City Consolacion katong Agusto 22.

Ang mga makuha sa qualifying round, magsangka sa elimination o semi-final round nga ipahigayon sa Liloan Gym karong Septiyembre 12.

Dunay ganti nga cash nga ihatag sa semi-finalist ug consolation sa wala madala nga grupo, kini igong ikapalimite sa ilang pag-uli sa tagsatagsa ka lungsod.

Ang unom ka grupo nga kuhaon isip semi-fina­lists magbangga tali sa semi-finalists gikan sa south o habagatan sa Sugbo karong Oktubre 3 sa Mandaue Sports Complex.

Ang caravan ug Bangga sa Sayaw maoy pagpalapad sa kasayoran sa Sun.Star Bisdak Mgasin ug uban sa pagpasalamat sa paghangop sa ubang produkto sama sa Sun.Star Cebu, Sun.Star Superbalita, Sunex, Sun.Star E-book ug E-paper. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph