GIPAHIBAWO ang publiko dunay dakong blood letting ang Philippine Red Cross (PRC) ugma, Septiyembre 18.
Kini ang unang higayon sa Philippine Red Cross Cebu Chapter ug Hilongos Chapter nagkahiusa sa maong kalihokan nga ipahigayon pasado 10:00 sa buntag hangtod na sa 9:00 sa gabii sa Robinson's Galleria, Cebu sa North Reclamation Area. Sergio Osmena Blvd. ug General Maxilom Ave, Cebu City.
Si Evelisa N. Alotaya , PRC Office In Charge,Philippine Red Cross Hilongos Chapter nagkanayon nga ang maong kalihokan ilang gitumong sa adlawng natawhan ni kanhi mayor sa Holingos Joy Roble, Philippine Red Cross, Chairman Hilogos Chapter ug tagdumala sa Roble Shipping Line ug karon tinudlo ni Presidente Rodrigo Duterte isip Board of Governor sa miaging Enero 18 karong tuiga maoy modumala sa governance and policy making body ug mohatag aproval sa tanang budget sa PRC nationwide.
Si Joy Roble, Board of Governor sa PRC, niingon nga positibo siya nga makuha nila ang target nga 800 ka tawo sa blood screening human dunay 200 ka empleyado sa Roble Shipping Line ang ningboluntaryo nga magpakuha og dugo. (PR)