Mga duwa karon
4:15 pm- NLEX batok Blackwater
7:00 pm- Alaska batok Meralco
MOSUWAY pagkuha og bahin sa liderato ang Meralco Bolts sa ilang pagpakigsangka sa Alaska Aces sa main game karong gabii sa Philippine Basketball Association (PBA) Philippine Cup sa Araneta Coliseum.
Ang Bolts kasamtangang nag-inusara sa ikaduhang luna bitbit ang 2-1 nga rekord.
Ang kadaugan sa Bolts ning duwaa makatuboy kanila sa liderato diin ilang ikauban ang defending champion San Miguel Beermen, Rain or Shine Elasto Painters ug GlobalPort Batang Pier.
Human sa surpresa nilang kapildihan batok sa Blackwater Elite, 84-86, ang Bolts nagbangis na sa nagsunod nilang duha ka mga duwa diin ilang gipahimungtan ang NLEX Road Warrriors, 106-93, ug Talk N’ Text KaTropa, 98-87.
Sa ilang bahin, ang Aces adunay 1-2 nga rekord.
Ang Aces nasubhan og duha ka mga sunodsunod nga kadaugan batok sa NLEX, 97-99, ug San Miguel, 88-93.
Apan sa labing ulahi nilang duwa, impresibo ang gipakita sa Aces ug namungot kini sa GlobalPort, 95-84.
Ang Bolts magsalig og maayo nila ni Chris Newsome, Cliff Hodge sa beteranong si Reynel Hugnatan.
Moparang sa mga nangahisgutan mao ang mga pambato sa Aces nga sila si Calvin Abueva, Jayvee Casio, Dondon Hontiveros ug Tony dela Cruz.
Sa premirong duwa, magsangka ang Blackwater ug NLEX.
Ang Blackwater adunay 2-2 nga rekord samtang naggunit og 1-2 nga baraha ang Road Warriors.