SA ikawalo ka tuig dinhi sa Sugbo, ipahigayon ang Worldwide Candle Lighting karong Disyembre 10, Dominggo.
Ang kalihukan nga agi og pahinungod, paghandom ug pagtahod sa kabataan nga nangamatay sa nagkadaiyang mga sirkumtansya, dungan nga ipahigayon sa samang kalihukan sa ubang mga dapit sa kalibutan.
Pasiugdahan kini sa Hugs, support group alang sa mga ginikanang nagbangutan sa kamatayon sa ilang mga anak.
Anha kini ipahigayon sa Senior Citizens Park nga sugdan sa alas 5 sa hapon.
Giawhag ang mga ginikanan ug ubang sakop sa pamilya nga mangapil sa pagdala og mga kandila nga dagkutan sa tagsa ka sakop atol sa kalihukan.
Gidasig ang mga ginikanan ug mga sakop sa pamilya sa pagsul-ob og puti nga sapot.
Alang sa mga pangutana, text sa 09235768491 ug 09177787071. (PR)