GIISIP nga usa ka “Pathological Gambler” kadtong gunman sa nahitabo nga pagpang-atake sa Resorts World Manila.
Mao kini ang gibutyag ni Dr. Rene Obra, psychiatrist, sa Superbalita Cebu kinsa niingon nga susama ang gambling addiction sa drugs, sex, alcohol, shopping ug bisan sa internet.
Matod ni Obra nga kon ang ang tawo di na makakontrolar sa bisan unsa nga butang, aduna na kini’y problema.
Gawas nga usa ka psychological problem ang pathological gambling, usa usab kini ka impluse control problem. Iyang gipasabot nga tungod sa daghang problema nga nasinati ni Jessie Javier Carlos, ang gunman sa maong hotel/casino, inubanan pa kini sa dili maayo nga relasyon sa pamilya ug ang pag-ban kaniya sa mga casino nga iya sa Pagcor hinungdan nga niresulta kini sa pagpang-atake.
Matod ni Obra nga kon mangita gyud paagi nga makasugal bisan paman nga ang kwarta para sa basic commodity dili na kini makaayo.
Hinuon, gipasabot ni Obra nga dili tanan mosugal o mo-casino, usa ka pathological gambler tungod aduna’y uban nga naglingaw-lingaw ra.