Cebu Movers hari sa Game On basketball

Published on

MIGAMIT sa ilang hataas nga kasinatian ang Cebu Movers System, Inc. (CMSI) batok sa kugihan ug mas batan-on nga Boss John-Island aron kuliton ang 71-66 nga kadaugan ug langkaton ang korona sa Game On Club Cavaliers Cup basketball tournament kaniadtong Domingo sa Cebu Colisuem.

Sa sayo pa, nagpakita sa ilang tinuoray nga pwer­sa ang Hoodwins Lorezeb aron pagpukan sa Cebu-bai.com, 88-84, alang sakmiton ang ikatulong pwesto.

Lima sa pito ka mga players sa Hoodwinks ang mitapos sa duwa nga may double figures.

Ang Cebu Movers sa ilang bahin, miagi una sa tukmang kalisod human perming hugot nga nakasikit kanila ang Boss John gikan sa pagsugod hangtod na sa naghinapos nga yugto sa kombati.

Apan sa himatyong mga minutos, milutaw ra gihapon ang championship experience sa CMSI ug didto ilang natuldokan ang kadaugan.

Wala hinuon makurat si playing coach Boy Te dihang mihimo’g mainitong rally ang Boss John sa fourth quarter ug iya dayong gipasulod ang iyang mga pambato nga nagkalip kang MVP Pablo Sullano, kahni MVP Aries Magdales ug ang labing beterano nga si Alex Mercado.

Si Te kinsa mirehistro og singko puntos maoy napiling best coach of the year samtang si John Trinidad mao usab ang Most Improved Player.

Ang napiling sakop sa Mythical Five uban kang MVP Sullano mao sila si Magdales, Du, Murcia ug Carlito Tampus.

Puntos matag usa:

Unang duwa

Hoodwinks (88) - Baguio 25, Murcia 18, Ceniza 15, Buenacosa 13, Capinig 13, Jalandoni 4

Cebubai.com (84)- Tamayo 24, Rosialda 14, Dela Fuente 12, Tampus 11, Jandug 10, Tarranza 8, Antoyan 3, Mandaue 2

Ikaduhang duwa:

Cebu Movers System, Inc. (71) - Sullano 16, Magdales 14, Mauro 12, Mercado 10, Oporto 6, Te 5, Palima 4, Dajao 2

Boss John-Island Paints (66)- Du 17, Millan 13, Yao 12, Padillo 12, Lim 5, Moneva 3, Limqueko 2, Trinidad 2. (PR)

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph