Citom mipasusi sa mga V-hire

IPASUSI sa City Traffic Operations and Management (Citom) ang tanang van-for-hire nga kanhi nagbase sa nasirad-an nga One Citilink Terminal.

Ang Siyudad naka­dawat og taho nga dag­han sa mga nagbiyahian paingon sa habagatan expired na og prangkisa samtang ang uban kolorum og prankisa.

Si Jonathan Tumulak, operations head sa Citom, nagkanayon nga nagpadala na sila og suwat kang Director Reynaldo Elnar sa Land Transportation Franchising and Regulatory Board (LTFRB).

Ang Citom nakadawat og report gikan sa lehitimo nga operator sa kanhi One Citilink nga niabot sila og kapin sa 300 ka mga unit sa terminal gumikan sa mga kolurom nga V-hire nga nisagol sa ilang grupo.

Matod ni Tumulak nga nisamot ang ilang pagtuo nga tinuod ang report nga ilang nadawat kay dihang sila nipahibawo sa mga V-hire nga pabiyaon ang mga sakyanan nga wa makadawat sa ilang rehistradong pragkisa, daghan ang nanggawas gikan sa parking area sa Taboan.

Si Tumulak nibutyag nga di sila magduhaduha pag-impound sa mga sakya­nan nga kolorum sanglit peligro sa mga sumasakay.

Matod sa Citom nga di na nila pasudlon sa temporaryong terminal ug dakpon ang mga sak­yanan nga way prangkisa.

Meeting

Gipatawag ni City Administrator Lucelle Mercado ang mga operator sa V-hire aron hisgutan ug pangitaan og solusyon ang ilang problema.

Si Mercado nibutyag nga mangita sila og dako nga wanang aron maoy kabalhinan sa temporaryong terminal aron usab di apektohan ang patigayon sa merkado.

Pipila ka mga manindahay sa Taboan nisulti sa Sun.Star Superba­lita nga maglisod na sa pag-park ang ilang mga kustomer tungod sa paggamit sa parking area.

Si Kapitan Abraham Desamparado sa San Nicolas Proper diin nahisakop ang merkado ug usa ka vendor nagpatabang sa Siyudad aron mahatagan og igong parking area ang mga mamalitay hilabi na ang mga langyaw nga turista sanglit ilang naobserbahan nga nalukop na ang lugar sa mga v-hire.

Si Arnel Quijano, OIC Market Administrator, nagkanayon nga ila nang gi­pangitaan og solusyon ang maong problema.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph