ANG Philippine Institute of Civil Engineers (PICE) Chapters sa Region VII sama sa Sugbo (host), Bohol, Negros Oriental ug Siquijor, mopasiuda sa 6th Region VII Technical Conference karon Septiyember 24-25, 2015 at the Sacred Heart Center, D. Jakosalem Street, Cebu City.
Ang program maglakip sa technical sessions sa unang adlaw ug pagkasunod adlaw sa tibuok buntag.
Samtang ang PICE-Cebu chapter election of officers for 2016 ipahigayon sa ala 1:00 sa hapon sa ikaduhang adlaw.
Kini nga komperesnsiya kabahin sa programa sa PICE sa pagpalambo sa Professional Development uban sa Revised Guidelines sa Continuing Professional Development (CPD) Program nga pinitsahan og Julyo 15, 2013 nga opisyal nga naporma ang bag-ong Continuing Professional Development Council (CPD Council), nga ang tanang Continuing Professional Development Program for Civil Engineering kinahanglan nga regulated sa PRC Board of Civil Engineering uban sa koordinasyon sa PICE.
Si PICE-Cebu Chapter President Engr. Daisy B. Toledo nagkanayon nga mokabat sa 200 ka mga miyembro sa upat ka chapters sa Region VII ang motambong sa duha ka adlaw nga komperensiya.
Dugang niya nga gitutokan ang kaimportante sa tumong sa Technical Conference bahin sa mosunod: professional development sa mga miyembro, pagpalambo sa panaghiusa ug panaghigalaay sa mga miyembro.
Si PICE Region VII Coordinator Engr. Edgar B. Watin nanghinaut nga motambong ang tanang civil engineers sa Cebu, Bohol, Negros Oriental ug Siquijor sa technical conference, ug ang tanang PICE-Cebu Chapter members moapil sa election of officers sa 2016.
Alang sa dugang kasayoran ug detalye, palihog sa pagkontak sa PICE-Cebu sa 032-2341983 ug 032-2318501 o email addresses sa picecebu@yahoo.com ug picecebu1@gmail.com. (PR)