OPISYAL nga mag concert ang sikat nga British rock band nga Coldplay dinhi sa Pilipinas.
Ang banda gilangkuban nila Chris Martin, Jonny Buckland, Guy Berryman, ug Will Champion ang gikatakdang mag perform sa Manila sa gikatakdang bulan sa Enero paingon sa Mayo.
Nawindang ang pinoy fans dihang niadtong adlaw’ng Lunes, Nobyembre 14, nag upload og teaser sa ilang social media account ang Coldplay diin gipakita ang mga mapa sa nasod nga ilang bisitahon ug parte sa ilang "A Head Full of Dreams Tour" sa 2017.
Kini gilangkoban sa Singapore, Taiwan, South Korea, Japan, ug Philippines.
Laing detalye kalabot sa ilang tour ang wala pa gipahibalo.
Ang Coldplay naporma sa tuig 1996 sa London, England ug nakapagawas na og pito ka studio albums.
Niadtong Agusto ang Eat Bulaga Dabarkads nga si Maine Mendoza nilupad lang Los Angeles, California aron masaksihan iyang paboring banda nga Coldplay ug dihang iya kining gitan-aw og live emosyonal kining nakuhaan og video nga naghilak tungod kay daw dream come true kaniya nga makita sila sa personal.