MASALIGON si Alaska Aces coach Alex Compton nga mahilakip ra’g balik sa lineup sa Gilas Pilipinas alang sa ikaduhang tipik sa Fiba World Cup qualifiers nga ipahigayon sa sunod buwan.
Dili pa lang dugay, mismong si Gilas coach Chot Reyes nga gitaktak niya sa lineup si Abueva ug hasta si Rain or Shine Elasto Painters center Raymond Almazan gumikan kay wala na kini mitunga sa ilang ensayo sulod sa tulo ka mga higayon ning tuig 2018 sa managlahing mga rason.
Matod ni Compton nga iyang girespeto ang desisyon ni Reyes.
“I think Chot’s proven himself in the international realm,” matod ni Compton sa interbyu sa Spin.ph.
“He knows what he’s doing with Gilas and he has his reasons.”
Kon dili man gani makaduwa si Abueva sa ikaduhang tipik sa FIBA qualifiers, masaligon si Compton nga sa ugma damlag makarepresentar ra pagbalik sa nasod ang pambato niyang magduduwa. (ESL)