SOLDOUT ang benefit concert nga “The Beginnings” ni Zsa Zsa Padilla niadtong Sabado sa gabii sa Waterfront Hotel and Casino sa Lahug, Cebu City.
Ang katuyoan sa maong concert alang sa mga masakiton nga kapari-an sa John Paul II Home for Priests sa Archdiocese of Cebu.
Napuno sa Zsa-Zsa fans ang Grand Ballroom sa maong hotel diin alang sa uban nagsilbi kadtong advance Valentine’s date kuyog sa ilang mahal sa kinabuhi.
Ang concert ni Zsa Zsa nahimo sab nga selebrasyon sa ika-35th anniversary niini sa industriya sa show business.
Iyang gi-awit ang iyang mga classic hits sama sa “Hiram”, “Point of New Return”, “Sana’y Maghintay ang Walang Hanggan”, “Through The Years” ug uban pa.
Guest niini iyang kinamanghurang anak nga si Zia Quizon ug ang anak ni Martin Neivera nga si Robbie.
Mapasalamaton ang Superbalita Cebu sa gihatag nga kahigayon sa Smart Communications sa ilang pagdapit aron sa pagsaksi sa naasoyng benefit concert. (HBL)