UNOM ka mga samad dinunggaban ang naangkon sa construction worker niadtong Lunes, Disyembre 12, alas 11 sa gabii sa videokehan sa Lapaz 1, Agora, Lapasan, dakbayan sa Cagayan de Oro.
Usa ka grupo sa mga batan-on ang nagtabang kang Welson Estenso, 25, ulitawo, taga Purok 2, Poblacion, Bukidnon.
Sa nahipos nga impormasiyon gikan sa Police Station 3 sa Agora, nasayran nga samtang anaa sulod sa videokehan ang biktima ug ang laing grupo sa batan-on giingong gibadlong niini ang maong grupo ug giingnan nga mga bata pa aron magbisyo.
Giingong nanggawas kining maong grupo apan sa gibalikan si Estenso ug gitabangan og dunggab sa 10 ka mga batan-on ginamit ang icepick.
Sa pagkakaron, ang maong biktima ang nagpaalim pa sa mga naangkong samad.