MANILA- Naghinapos na ang teleseryeng Ika 6 Na Utos pero happy ang cast ug director kay magbabu silang consistent nga taas ang ilang rating.
Sa mga nangutana kon unsa ang ipuli sa Ika 6 Na Utos, usa ka maanindot sad nga teleserye-- ang Contessa starring Glaiza de Castro. I am privileged nga makita ko ang pipila ka eksena on its first week sa Contessa og nakaingon ako nga may K siyang mopuli sa Ika 6 Na Utos tungod kay grabe sad ang mga eksena.
Si Bea (played by Glaiza de Castro) mapriso sa sala nga wa niya buhata. Pero before siya mapriso, paantuson una siya ni Daniela Imperial (Lauren Young).
Yes, kasilagan ninyo ang role sa igsoon ni Megan Young dinhi og may eksena pa nga iyang gipahawok sa semento ang pobreng si Bea (Glaiza).
Dili lang si Lauren ang nagdaug-daog kang Bea, ang tibuok pamilya Imperial.
Sa presohan, mailaila ni Bea si Guada Venganza, usa ka adunahan og misteryosang preso. Si Guada ang manalipod kang Bea tungod kay bisan og nasa prisohan na si Bea, wa siya lung-i sa mga Imperial.
Makagawas si Bea sa prisohan og unya magsugod na siya og panimawos og siya na si Contessa. Dako ang pasalamat ni Glaiza kay hangtud karon, alagang-alaga pa gihapon siya sa GMA7. Kanunay siyang pagahatagan og mga nindot nga roles, bida pa.
Bisan og daghang mga eksena nga luoy kaayo siya tungod kay kanunay siyang bun-ogon og pasakitan sa mga Imperial pero way reklamo si Glaiza.
Si Glaiza sad ang nikanta sa theme song sa maong teleserye - ang “Dito Sa Aking Mundo”.
Aside from Lauren Young, kauban sa Contessa sila Geoff Eigenmann, Jak Roberto nga childhood friend og may lihim nga pagtingin kang Bea, Gabby Eigenmann, Mark Herras nga special participation dinhi, Chanda Romero nga usa sa mga nang-alipusta kang Bea, Leandro Baldemor, Bernadette Allysson, Melissa Mendez, Tanya Gomez, Karel Marquez, Phytos Ramirez, Danise Barbacena og ang gwapong bagets nga si Will Ashley.
Behind this intriguing drama is the Creative Team headed by Direk Roy Iglesias, Marlon Miguel, Christine Novicio, Dode Cruz and Kit Langit. Ang Contessa usa ka original creation sa GMA Drama group under Senior Vice President for Entertainment Content Group Lilybeth Rasonable, Vice President for Drama, Redige Acuna-Magno, Assistant Vice President for Drama Cheryl Ching-Sy and Senior Program Manager Cathy Ochoa Perez sa direksiyon ni Albert Langitan.