USA sa pinakalamiang restaurant sa dakbayan sa Cagayan de Oro nga mao ang Cusina Higala ang adunay bag-ong mga putahe nga gitanyag.
Bag-ohay lang niadtong Octobre 19 sa gabii giimbitahan ang pipila ka mga sakop sa prensa lakip ang SunStar Superbalita aron ipatilaw sa ilang mga bag-ong putahe.
Dinhi mahibong ug makalaway ka sa klase klaseng pampamilyang Pinoy nga putahe nga matilawan na usab alang sa mga langyaw ug taga Kagay-anon karong panahona.
Gipasabot ni Chef Chiko Arvin Cacanindin nga ang mga bag-ong putahe gilangkuban sa mga lamiang putahe sama sa atong mga paboritong lamb adobo, fiesta pancit, munggo guisado with pork pata, tinolang manok, tiger prawn sinigang, beef caldereta ug ang lami nga jan's fried rice.
Kung hilig sab nimo ang mga vegetable salad aduna sab sila ikatanyag niini sama sa crispy baby squid salad ug chicken barbecue salad.
Mahibong ka usab sa makapanilap nga mga Filipino snack sama sa tuna sandwich, puto bongbong, palabok, puto ug dinugoan, ug grilled lasagna.
Gipasabot usab ni Cath Bagayna gikan sa Cusina Higala nga barato ra kaayo kini nga mga putahe ug pangpamilya.
Alang sa bout mokaon sa modern Filipino and heritage restaurant mapalit ug m-aorder na kini karong panahona.
Good news usab sa taga Kagay-anon tungod karong umaabot Nobyembre alang sa ilang unang anibersaryo aduna silay sikat nga pagkaon nga mapalit lamang sa tag P1 ug kini inyong angayan atangan.