Daan nga merkado sa Lorega giguba

KADTONG naandang mamalitay sa karaang mer­kado sa barangay Lorega San Miguel nga nahimutang taliwa sa karsada wa nay maabtan karon.

Ang merkado boluntaryo nga giguba sa mga vendors ug nibalhin sa bag-ong merkado duol sa ilang sports complex.

Ang Prevention Resto­ration Order Beautifi­ca­tion Enhancement (Probe) maoy nitabang og guba sa merkado nga gina­ma sa light materials aron ma­paspasan ang pagha­wan sa lugar nga gihu­lagway nga nuisance.

Si Wendell Cenas, office-in-charge sa Probe, niingon nga nilanat og duha ka mga oras ang ilang paghawan sa lugar uban sa vendors dihang ilang gisugdan alas 9:30 sa buntag.

Gitug-an ni Cenas nga malinawon ang ilang pagpatuman sa mando ni Mayor Michael Rama human usab sa daghang mga meeting nga ilang gipahibayon.

Si Quijano maoy acting market administrator sanglit nagbakasyon si Raquel Bohol-Arce sa Amerika.

Si Quijano niingon adunay 28 ka mga vendor ang ilang gipabalhin sa bag-ong merkado apan adunay lima nga nireklamo kay wa sila naapil sa ihap.

Base sa ilang imbestigasyon ang lima wala maapil sa orihinal nga lista ug nagsilbing extension sa merkado.

Giingong nag-abang ra kini sa ilang pwesto.

Si Quijano nibutyag nga dugay nang plano sa City Government ang paghawan sa maong merkado sanglit delikado kini sa mga mamalitay nga maligsan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph