NAGLASONG ug nagsinggit-singgit ang usa ka dalaga human nasapon nga adunay lain ang iyang hinigugma niadtong Martes, Disyembre 13, alas 2:37 sa hapon sa Velez Street, dakbayan sa Cagayan de Oro.
Gidala sa kapolisan ang maong dalaga nga si Kristine (bansagon gitago), 22, taga San Vicente, Baungon, Bukidnon.
Sa impormasiyon nga nahipos gikan sa Police Station 1 sa Divisoria, gikabutyag nga gidala sa personahe sa kapolisan sa maong buhatan ang dalaga human kini naglasong ug gireklamo sa pipila ka mga residente gumikan sa kasaba ug nakahatag og kaalarma.
Pahayag usab sa babaye nga nasakitan kini pag-ayo sa dihang nasapon nga adunay lain ang iyang hinigugma ug maoy hinungdan nga gipagawas niini ang gibati pinaagi sa paglasong ug pagsinggit-singgit.
Sa pagkakaron, nakatala na sa nahisgutang buhatan ang maong insidente samtang ang suspek ang giingong gipagawas na usab sa kapolisan human misaad nga dili na kini mousab.