Madepensahan kaha sa Teleperformance ang ilang titulo o mailog sa uhaw nga VXI Robinsons karong Dominggo sa ilang panagharong sa Davao Inter-BPO League (DIBL) Brotherhood Sports Finals didto sa Montaña Recreation and Fitness Center Incorporated sa dalang Dacudao Avenue sa Agdao ning dakbayan sa Davao.
Atol sa Davao Sportwriters Association (DSA) Forum didto sa NCCC Mall Davao B3 Center niadtong Huwebes, Hulyo 6, gipahayag ni DIBL commissioner Mark de Guzman nga kulbahinam ug gilauman nindot ang umaabot duwa.
"We're on the last stage of DIBL and they are deserving, kasi ang dalawa undefeated from eliminations to semifinals," suma ni De Guzman.
Gipahayag nila Louie Villareiz ug BJ Javier sa VXI Robinsons nga determinado sila mokampeyon, "for finals, we're hungry, we want to bring the trophy sa VXI," ni Javier.
Una na gipildi sa VXI Robinsons ang ilang igsoung kompanya nga VXI SM Davao sa semifinals diin gisulti ni Louie nga napresyur sila sa duwa tungod pareho lang sila og kompanya.
Samtang, bahin nila Lou Gracilla ug Eros Sacdalan sa Teleperformance nga himuon nila ang tanan aron mapabilin sa ilang titulo.
Sulti ni Lou, "mag-follow lang kami sa system, ide-defend namin. Bigyan namin sila ng magandang laro sa Finals, ipakita namin sa kanila ang being champion."
Apan si Eros nakabati og presyur, "kasi target nami ang 3-peat champion and di rin namin alam ang laro nila, mas challenging."
Sa laing bahin, gianunsyo ni De Guzman nga human sa maong liga dunay ipahigayon nga volleyball tournament karong Septyembre 3 nga ablihan sa Almendras Gym.