ANDAM na ang tanan alang sa finals sa Davao Inter-BPO League (DIBL) Volleyball Tournament karong adlawa didto sa Davao Doctor's College (DDC) Gymnasium.
Si DIBL commissioner Mark de Guzman sa bag-ohay nga interbyu, miingon nga ang women's finals tali Alorica versus Offsourcing Philippines maoy unang magsangka ala una sa hapon samtang ang men's titular showdown tali sa powerhouse teams nga Offsourcing Philippines ug Alorica alas 2:30 sa hapon.
Samtang ang Sutherland Global makalaban ang Convergys, alas 9:00 buntag alang sa ikatulong puwesto nga sundan sa pagharong sa Sutherland kontra VXI alas 10:30 sa buntag.
Ang kalihukan gipresenta sa Davao Brotherhood Sports sa koordinasyon uban ang Balibolista de Dabaw.
Ang mokampeyon mouli og P15,000 samtang ang sunod nga duha ka puwesto P10,000 ug P5,000.