GILUSAD sa Department of Health Region (DOH)-Northern Mindanao ang “Oplan Iwas Paputok” niadtong adlaw’ng Lunes, Disyembre 12, pinaagi sa usa ka programa dinhi sa dakbayan sa Cagayan de Oro.
Ang DOH malaumon nga walay biktima sa pabuto ning kasaulogan sa pasko ug bag-ong tuig.
Giawhag sa mga personahe ang katawhan sa dakbayan nga imbes magamit og mga pabuto mogamit na lamang og laing paagi sama sa pagpatingog sa sakyanan, motorsiklo, kaldero, torotot ug uban pa.
Bout nilang walay matala nga biktima sa pabuto dinhi sa rehiyon labina niaging tuig mokabat sa 50 ka kaso.
Dinhi sa dakbayan wala pay mando ang Department of Interior and Local Government kon tugotan ba sa pagpamaligya og pabuto ang mga mamaligyaay.
Apan taliwala niini nagsugod na sa pagtukod og tulda ang mga mamaligyaay diha sa Jr Borja St. diin makita ug mapalit ang mga pabuto. (SVB)