Doktor batok estudyante sa TPG 5

SULAYAN sa usa ka doktor ang kapas sa usa ka miyembro sa Philippine Judo Team sa mao-mao lang nga female bout sa The Proving Grounds 5 (TPG 5) karong Agosto 27 didto sa Limketkai Atrium.

Ang 34-anyos nga Ultra Tan, usa ka doktor didto sa Manila, mosulay og daog sa iyang ikatulo nga Mixed Martial Arts nga away batok sa 21-anyos nga Queenie Marie Saenz nga motala sa iyang pirmiro nga away.

Si Tan, usa ka Brazilian jiujitsu blue belt, adunay limpyo nga duha ka daog sa iyang fight record ug morepresentar sa bando sa iyang trinor nga si Kamphius Fabricio.

Bisan tuod nga pirmiro pa kini niya sa umaabot nga away, dili gihapon makompyansaan si Saenz nga moaway sa bando sa New Blood MMA sa Manila ubos sa giya ni coach Larry Baluyan.

Dili kini bago kang Saenz, kasamtangan usa ka estudyante sa Universidad de Manila, kay usa siya ka miyembro sa Philippine Team ug bagohay lang nibira og bulawang medalya sa 48 kgs women’s judo sa karong tuiga nga Philippine National Games (PNG).

u201cMatch to’. Si Tan nakauna na sa MMA pero expose man sab si Saenz sa judo,” ingon ni Beh Barothy Hung, promoter sa TPG 5.

Gipasabot sab ni Hung sa publiko nga kumo adunay babae nga away dili unta hunahunaon sa tanan nga violente kini.

u201cThis is a very exciting fight ug eye opener sa tanan kakaehan nga ang Mma is a sport sama sa boxing ug dili promosyon for violence nga maoy kasagara hunahunaon,” ingon ni Hung.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph