ISIP probinsiyano, kalipay nako nga dunay mga nindot nga balita ug impormasyon nga madawat, ilabina sa lungsod ang akong natawhan.
Nindot nakong nadawat nga impormasyon gikan ni ex-Vice Mayor Bienvenido Montecillo sa among lungsod sa Sulop, Davao del Sur kining iyang lindog:
"Ang mga programa ni Pangulong Rodrigo R. Duterte, haum kaayo sa gilusad nga programa ni Mayor Jimmy Sagarino kaniadto nga gipadayon karon ni Mayor Maria Sagarino. Sila nagpasiugda sa tinuig nga ‘retreat’ nga adunay pag-ampo, pamalandong ug pagtuon."
Duna say binulan nga convocation aron makakuha og kahibalo gikan sa speaker, pag-abli ug pagtapos sa tuig pinaagi sa misa ug dunay misa kada Miyerkules, pag-apil sa mga seminar kabahin sa values transformation nga nakatampo sa maayong pagpangatungdanan. Tungod niini, ang local government unit (LGU) sa Sulop nakahimo sa mosunod:
1. Pinakaunang lungsod sa tibuok Pilipinas nga nakapaenrol sa pamilyang timawa sa PhilHealth;
2. Nakapasemento halos tanang kalye sa Poblacion, pipila sa Kiblagon, subida ug bahada sa Lapla, Labon, Luparan ug usa ka kilometro kapin sa New Cebu, 300 metros sa Talao ug 200 metros sa Clib;
3. Ladderized Education Accelerated Program for Barangay Officials and Workers aron mapataas ang kahibalo sa Barangay Officials nga gikopya sa uban;
4. Nagbansay sa mga tanod sa 2003 nga gikuhaan og pattern sa Department of Interior and Local Government maoy gigamit sa training sa tanang tanod sa nasud;
5. Nakapa-enrol sa Tanod ug Barangay Health Workers sa SSS;
6. Immersion Program nga makigsandurot ang taga-gobyerno pinaagi sa pagserbisyo ug pagtulog sa panimalay sa mga kabus;
7. Bisan wala pa giimplementar sa Civil Service Commission ang “No Noon Break" policy, gipahimutang na sa LGU ang maong polisiya;
8. Nakapatukod og eskwelahan, gi-donate ang halos 2
ka ektaryang luna aron tukoran Spamast-Sulop Campus;
9. Napahimutang ang Farm to Market Road DAR-ADB Project nga gibisitahan sa lain-laing rehiyon giunsa pagimplementar;
"Tungod niini, kaduha na makadawat og award sa Seal of Good Local Governance gikan sa DILG ug awardees sa ubang ahensya ang LGU-Sulop.
"Kining Good Governance maoy nakapa-straight sa lima ka higayon nga kadaugan sa national election ug local elections 18-0 gikan governor, vice-governor, congressman, 5 board members, mayor, vice mayor ug walo ka Sangguniang Bayan members."
******
Si Bienvenido L. Montecillo, kanhi Vice-Mayor, SB Member, kasamtangang Provincial Deputy Director sa Hugpong Federal Movement of the Philippines, Davao del Sur, Anchorman sa DXPM FM Radio 91.9, Host sa Ate Beng TV Cable 31 o 33. Siya madungog www.ustream.tv/channel/supreme fm radio ug Facebook, DXPM 91.9 Supreme Power Digos kada Sabado 8 to 9 a.m. ug Energy FM Digos, Sabado 7 to 8 a.m. ug Dominggo 8 to 9 a.m.