Editoryal: Usab-usab nga suporta

GIHANGOP sa mga molupyo sa dakbayan sa Sugbo kining pamahayag sa mga konsehal nga kaalyado sa Bando Osmena Pundok Kauswagan (BOPK) nga andam silang mosuporta sa tinguha ni Mayor Michael Rama nga hutdan og bayad ang utang sa South Road Properties nga nagkantidad og P2.4 billion.

Sa interview sa mga tigbalita, si City Councilor Margarita Osmeña mibutyag nga dili problema alang kanila kon mabayran ang maong utang basta lang sundon ang mga proseso sa pagbayad niini.

Iyang giingon nga ang approval sa Japan International Cooperation Agency (Jica) maoy usa lang sa mga gikinahanglan niini sa dili pa ang siyudad mohimo sa pagbayad.

Pero kon atong tukion ang pamahayag ni Osmeña, mipadayag man tuod sila sa ilang pagsuporta apan daw sa gipatabanan man kini og kondisyon. Tiaw mo bay andam kuno silang mosuporta basta mosubay lang si Rama sa proseso sa pagbayad.

Ambot og unsay punto nga gustong ipaabot ni Osmeña ngadto sa mga Sugboanon, nga natural ra man gyud na nga kon unsay pamaagi sa pagbayad maoy ra man say subayon.

Buot ba ipasabot sa kampo sa BOPK nga duna silay natimahoan nga itago o molaktaw si Rama sa proseso sa higayon nga mahitabo na ang binayranay?

Kining giingong pagsuporta sa BOPK sa pagba­yad sa SRP loan di pa gyud nato masiguro hangtod nga di pa usab nato kini maaninaw ug matagamtam kon tinuod ba gyud ni.

Nahinumdom mo nga ang konseho mipalabang og resolution nga magtugot sa mayor sa pagbaligya og luna sa SRP?

Pero unsa may nahitabo ning uwahi lang? Di ba gusto na usab nila nga bakwion ang napapasar nilang resolution ug tinguha nilang i-defer lang una ang pagpamaligya?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph