'El Granada' gusto nga mobuto

SA miaging duha ka mga tuig, si Gary David usa sa labing kuyawng mga tirador sa national men’s basketball team nga gilaumang moulbo sa FIBA Asia Championship nga gipahigayon sa Manila.

Apan ang gitawag og “El Granada” nagkagidlay ha­pit sa kinatibuk-ang torneyo.

Padayong giabibahan ug gidasig sa mga sumosunod sa Gilas Pilipinas si David hangtod nga nakapakita kini og maayong duwa sa quarter-finals batok sa Kazakhstan.

Sa kasamtangan, si David usa sa mga gipang-imbitar sa national training pool alang sa pagporma sa bag-ong Gilas nga mokampanya sa umaabot nga FIBA Asia Championship, nga qualifying event sa 2016 Rio Olympics.

“Pinag-isipan ko rin kung makasama ako sa pool, pupunta ako. Kung hindi ako masama sa final lineup, OK lang rin. At least, it’s an honor na napatawag ka para i-represent ulit yung bansa mo,” batbat ni David sa interbyu sa InterAksyon.com.

“Naramdaman ko na rin kasi before kung gaano kasarap mapasama sa team.”

Kon masulod siya pagbalik sa pinal nga 12-man line-up, gipasalig ni David nga mas doblihon niya ang iyang paningkamot aron makabuto sa kanunay ang iyang granada sa opensa.

“Kapag nanalo ka ng galing ka sa ibang bansa, sasalubungin ka ng mga kababayan mo. Nung nakaraang tournament, medyo nag-struggle ako, gusto kong patunayan na may tsansa ako na makapaglaro nang maayos sa international competitions and medyo bumawi. ‘Yun lang ang gusto kong patunayan,” dugang ni David.

Si David ug ang ubang sakop sa national training pool kasamtangang naa sa Estonia alang sa usa ka pocket tournament, nga tipik sa ilang pre­parasyon alang sa FIBA Asia Championship.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph