Espinoza: Skyway ang solusyon

SKYWAY. Morag nabuhi ang espirito ni Cebu City Mayor Tomas Osmeña sa balita nga dunay dako nga proyekto alang sa dakbayan nga makahatag kasulbaran sa nagbaga nga problema sa trapiko.

Matud pa gisugdan na og buhat ang plano kon detailed engineering design alang sa giingon nga skyway nga magsukad sa Fuente Osmeña hangtud sa S. Osmeña Blvd, ang dalan nga buyon sa pantalan.

Gipasiatab pa ni Mayor Tomas nga maimplementar ang skyway sa sunod tuig. Kinahanglan gyud nga masugdan dayon ning skyway tungod sa nagkgrabe nga problema sa trapiko.

Sa tinuoray lang kon ang atong mga pulitiko kaniadto naghunahuna pa sa katawhan ug naglantaw sa kahimtang sa limitado nga mga dalan sa siyudad kaniadto pa unta ni gibuhat. Hinuon, di pa uwahi ang tanan.

Kumpiyansa ra kaniadto ang mga lider sa dakbayan tungod kay gamay pa man ang populasyon. Apan karon nga midaghan ang mga tawo tungod sa pagtubo sa ekonomiya nga nakahatag og trabaho sa katawhan.

Miabot na ang panahon nga ang dakbayan sa Sugbo, ang “Queen City of the South”, mobutang na og mga skyway sama sa Metro Manila tungod kay dili mapalapdan ang mga kadalanan. Ako na ni gisulti kaniadto pa.

Matud pa ni Mayor Tomas nga sa 25 ka flyover nga pagabuhaton sa Department of Public Works and Highways (DWPH) 15 ang alang sa dakbayan sa Sugbo. Ang P210 milyun nga flyover project sa Gorordo avenue nga gibabagan kaniadto maimplementar na.

Morag mogara na sad og balik ang environment ug heritage advocates kon makahibawo sila nga ipadayon ang mga flyover. Apan kon si Mayor Tomas ang pasultion iya silang papilion kon kinsa ang librehon ang heritage sites o ang katawhan? Nakapunto sad. Paghilum na lang mo nga advocates.

u25cf ● ●

MISSION. Dunay 429 nga mga residente sa Barangay Libjo ang natambalan ug nakadawat og libre nga tambal sa medical/dental mission sa Rotary Club Cebu South (RCCS) didto sa Libjo Elementary School sa lungsod sa Tabogon niadtong Dominggo.

Sa 429 ka residente, 189 ka bata ug 162 ka hamtong ang natambalan ug nahatagan og tambal ug bitamina. Dunay 29 ka bata ang natuli samtang dunay 27 ka tawo ang naibtan ug nalimpyohan sa ngipon. Ang nagpakuha og sugar 17 ug sa EKG 17 usab.

Ang maong medical/dental mission 10 na ka tuig karon. Nagsugod ni niadtong tuig 2007 nga si Atty. Tom Riveral ang presidente sa RCCS. Ang Opascor, nga si Atty. Riveral ang presidente, mao corporate partner sa RCCS ning tinuig nga proyekto. Ang RCCS magpasalamat sa Opascor sa libre nga tambal ug bitamina.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph