ANG fishing usa sa mga bagong sporting hobby nga gakakit-an karong panahona sa Cagayan de Oro City.
Didto nagsugod ang uso sa fishing paghuman pagtukod sa Kauswagan-Puntod National Bridge pipila lang ka tuig niagi.
Ang uban mag-grupo og anha nga nakaplastar sa ilang folding chairs ug ilang fishing rods aron mamingwit sa suba.
Sa dili madugay, adunay pipila ka mga fishing groups nilambo nga adunay kausa nga mobantay sa kadagatan ug sa kasubaan sa pulo sa Northern Mindanao.
Usa niini nga grupo mao ang Macajalar Warriors Anglers Club nga dili lang usa ka fishing club apan adunay pasalig maprotektahan ang kalikasan matag pamingwit nila sa kabukiran.
Gani, kita nila nga adunay parti sa Cagayan de Oro river nga tin-aw ug nakapamingwit sila og dagkong isda.
Apan, fishing competition kasagara ang ilang gapang-andaman labina sa umaabot nga Dipolog City Fish Jerking Competition diin gatambungan sa bug-at nga personahe sama ni aktor ug Ormoc City Mayor Richard Gomez.
"Naa mi kausa apan bal-bal kaayo mi sa hobby namo nga mamingwit," ingon ni Vernon Dingal, usa sa miyembro sa Macajalar Warriors.
Ang Macajalar Warriors gipangulohan ni Jam Mana ug gisundan sa duha ka Doktor nga sila Earl Papaguy ug Edgar Mamu.
"At least sa among pagpamingwit, makabantay sab mi sa kalikasan labina katong ga-quarry sa kabukiran," ingon ni Dingal.