MIABANTE sa finals ang topseed Fortune Houseware ni Ryan Barral human ilang girapido ang A3 Global, 99-77, sa 2nd Alin Cup basketball tournament niadotng Lunes sa gabii sa barangay Tinago gym, dakbayan sa Sugbo.
Sa sayo pa, gipakaging sa R. Queens ni Israel Alin ang no. 2 team ug defending champion Alabaster nga gipangulohan ni Jimboy Filoteo, 89-70, aron makapugos sa knockout-match karong gabii diin ang modaog maoy makigsangka batok sa Fortune Houseware sa finals sa sunod Lunes.
Si John Michael Gudes nangu sa Fortune Houseware sa iyang 24 puntos samtang midugang og 17 puntos si Ryan Barral ug may 14 puntos si Junvic Arranchado.
Ang nangapildeng A3Global gipangulohan sa ilang trayanggulo nga ex-University of the VIsayas (UV) nga sila si Lancers Chris Perolino (17), Jimboy Quiros (12) ug Jerry Singson (11).
Sa laing bahin, gipakuĀratan sa R. Queens ang Alabaster pinaagi sa ilang mainitong mga fastbreak points ug mga krusyal nga interception ni Ryan Villomo sa naghinapos nga bahin sa ikaupat ug katapusan nga quarter.
Si Villomo kinsa taud-taud nang wala makaduwa alang sa R. Queens tungod sa injury, miposa og 19 puntos samtang miburak og 16 puntos si Jpans Cayanong ug laing duha ka teammates ang mibahug sab og double figures.
Puntos matag usa:
Unang duwa:
R. Queens (89)- Villomo 19, Cayanong 16, Abinales 11, Epe 11, Estorgio 8, I. alin 6, Boyo 6, Manolong 4, Toring 3, Castillo 2, Cabajes 2
Alabaster (70) - Filoteo 20, Redulla 13, Ozon 6, Talaba 5, Tabada 4, Vasquez 4, Baltonado 4, Diez 2, J. Opura 2, F. Opura 2.
Ikaduhang duwa:
Fortune Houseware (99) - Gudes 24, Barral 17, Arranchado 14, Palero 8, Castillo 6, S. Raya 6, J. Barral 4, Pones 4, D. Raya 4, Barcenas 2
A3 Global (77) - Perolino 17, J. Quiros 12, Singson 11, Labrador 9, Quiros 8, Nudalo 2, Gastador 1. (PR)