ANG Eucharistic Healing Mass ni Fr. Jose Maniyangat sa alas 5:30 sa hapon karong Biyenres, Disyembre 16, sa Our Lady of the Sacred Heart (Capitol) Parish ipakita sa CCTN channel 47.
Usa kini ka serbisyon sa telebisyon alang sa dili makatambong sa misa sulod sa simbahan ug mahatod kini sa ilang tagsatagsa ka balay.
Si Fr. Jose Maniyangat usa ka pari gikan sa Florida, USA, kanhi taga Kerala, India kinsa naila sa iyang pagpahigayon sa healing masses.
Sulod sa duha ka dekada na karon, siya nilibot sa tibuok kalibotan aron pagpahigayon sa healing masses, diin nagtutok sa dili la ang kahimsog nga pisikal apan lakip sa espirituwal ug mental healing.
Si Bishop Dennis C. Villarojo, moderator sa team of pastors sa Capitol Parish, nikighiusa sa Cebu Catholic Television Network 47 aron makita ang healing mass ni Fr. Maniyangat.
Si Bishop Villarojo nipasabot nga ang simbahan makapasud lang sa limitadong tawo busa iyang gidapit ang tanan sa pagtan-aw ug pag-apil sa misa pinaagi sa sa CCTN 47 nga linawas nga mopaktia sa healing mass.
Si Fr. Maniyangat mobisita usab sa Diocese of Dumaguete alang sa laing healing mass karong Disyembre 14. (PR)