SOLONG nag-una ang Filipino-American Grandmaster (GM) nga si Wesley So human sa ikaupat nga round sa 2016 London Chess Classic.
Nitala ang 24-anyos nga So, dakong Bacoor, Cavite, og tulo ka puntos nga adunay duha ka daug ug duha sab ka tabla.
Lamang siya og tunga sa punto sa nagsunod nga sila GM Levon Aronian sa Armenia, GM Fabiano Caruana sa USA, GM Vladimir Kramnik sa Russia ug usa pa ka Amerikanong GM nga si Hikaru Nakamura nga adunay 2.5 puntos matag usa.
Giabri ni So ang iyang kampanya agi sa duha ka sunodsunod nga daug batok kang Nakamura ug sa beteranong GM sa United Kingdom nga si Michael Adams bago pa man nasundan og mga tabla kang Aronian ug GM Anish Giri sa The Netherlands sa ikatulo ug ikaupat nga rounds, sunod-sunod.
Maagbat ni So ang usa pa ka beterano ug kanhi World Chess Champion nga si Viswanathan Anand sa India sa ikalima nga round bago pa man magpahulay ang tanan sa sunod nga adlaw.
Sa ubos mao ang pinaka tsada nga dula ni So batok kang Adams basi sa akong naobserbahan.
[Event "London Chess Classic"][Site "London ENG"][Date "2016.12.10"][EventDate "2016.12.07"][Round "2"][Result "1-0"][White "Wesley So"][Black "Michael Adams"][ECO "E06"][WhiteElo "2794"][BlackElo "2748"]
1. d4 Nf6 2. c4 e6 3. g3 d5 4. Bg2 Be7 5. Nf3 O-O 6. O-O dxc4 7. Qc2 a6 8. a4 Bd7 9. Qxc4 Bc6 10. Bg5 a5 11. Nc3 Ra6 12. Qd3 Rb6 13. Qc2 h6 14. Bd2 Bb4 15. Rfe1 Bxf3 16. Bxf3 Nc6 17. e3 e5 18. Bxc6 exd4 19. Bf3 dxc3 20. bxc3 Bc5 21. Rab1 Rd6 22. Red1 b6 23. c4 Qe7 24. Bc3 Rfd8 25. Bb2 Qe6 26. Rxd6! [Syempre, i-simplify ang mga rooks para wala nay sagabal sa puti kay nikusog ang duha ka bishops ni So] Rxd6 27. Rd1 Rxd1+ 28. Qxd1 Bd6 29. Qd4 Qe8 30. Bd1 Qc6 31. Bc2 Kf8 32. e4 Bc5 33. Qd8+ Ne8 34. Qd5 Qg6 35. Kg2 Ke7 36. f4! c6 37. Qd3 Nc7 38. f5 Qg5
39. Be5! [Double attack. Atake sa bishop ug hulgang malukong ang itom nga queen agi sa pawn paingon sa h4 sundan dayon sa Bd1] Ne6 40. fxe6 1-0