MALAMPUSON ang Fujifilm “Intax and Crafts” sa ilang “Do it your own crafting” nga gipahigayon sa The Gallery sa Ayala Center Cebu niadtong Dominggo, Mayo 1.
Ang Intax and Crafts, gipaluyohan sa Fijifilms Philippines, Inc., nagtanyag og mga special workshops diin napakita sa mga sumasalmot ang ilang mamugnaong abilidad ug talento sa paggama og woodland photo mobile ug greeting card.
Aduna sab sila’y gidalit nga libreng picture-printing gamit ang instax instant film.
Matod ni Fujifilm division head for electronic and photo imaging, Takuya Maeda, “There is a certain kind of joy at looking at ones photos-more so, if it’s something you can hold on to like printed photograph.”
Naghatag usab sila’g raffle prizes sa mga sumasalmot. Nagpasundayag sab ug live performance ang indie rock band nga Drive me to Juliet.
Nagmadasigon ug nalingaw ang mga bisita nga nisalmot sa maong kalihukan nga gitanyag nga Fujifilm. Ma. Sharah Auxtero ug Kimberly Macarat, CNU Comm interns