ANG City Mayor's Office (CMO) miiskor og maayo hangtud sa katapusang duwa aron makuha ang daug kontra sa Anflocor, 92-75, sa ilang basketball friendly series didto sa Davao City Recreation Center.
Ang City Hall dribblers mitala og double-digit nga lamang sa pagpaluyo sa shooting sa ace gunner Christopher "Bong" Go aron mapalapdan pa ang ilang sagunsong daug sa upat ka duwa.
Si Go, kinsa sweets-shooting executive assistant ni Mayor Rodrigo Duterte, milabay og tulo ka tres sa final kanto aron mahimo ang game-best 48 puntos sa CMO.
Ang Combo-guard nga si Warren Cloribel ug John Flores mihatag og 13 ug 12 baskets, sa maong han-ay alang sa CMO diin nga nagpabiling way daug ang Anflocor sa serye.
ang Anflocor midominar sa duwa diin miabot pa sa 13 puntos ang labaw pinaagi kang Chan nga dunay 40 puntos.
Apan pulos sila nalusbak sa uwahing period nga wa manulod ang ilang puntos ug mihinay ang depensa dihang nangusog na si Go sa pag-iskor.
Sial si Solis ug Luage dunay 16 ug 10 alang sa Anflocor nga hapit na unta makuha ang unang daug.
Nahimong drama ang duwa dihang hapit na modaug ang Anflocor sa milabay nga duwa apan nakatira si Go og tres sa uwahing segundos aron nga makatabla, 103-103. (SDD-CMO)