Greco giyab-an og tubig ni Khan

GIYAB-AN og tubig ni Bristish star Amir Khan si Phil Go Greco human siya gibugalbugalan sa Canadian boxer atol sa press conference alang sa umaabot nilang panag-away.

Si Khan makigbatok kang Greco sa iyang pagbalik og away karong Abril 21 sa Liverpool sa England.

Si Greco, kinsa adunay 28-3, 15KOs nga rekord, misungog kang Khan kabahin sa 6th round knockout nga kapildihan niini batok kang Mexican Canelo Alvarez niadtong Mayo, 2016.

Gitubag kini ni Khan pinaagi sa pagyabo og tubig sa ulo ni Greco hinungdan nga daling nagpatunga ang security personnels aron dili mahitabo ang kagubot.

Dihang mikalma na ang esena, nagkanayon si Khan nga mag-training siya’g maayo alang ning awaya ug pahimungtan niya si Greco.

“I will train like it’s a world-title fight. Greco says maybe I’m past my best. I’m 31 and at the peak of my career,” batbat ni Khan, kinsa karon pa mobalik og away human sa iyang kapildihan ni Alvarez.

Matod ni Khan nga ang boksing maoy nagbutang kaniya sa kasamtangan niyang kahimtang ug tinguha niyang moretiro nga naa sa ibabaw.

“For me, boxing is the way forward. Boxing put me here and I am going to finish on a high,” dugang ni Khan, kinsa adunay 31-4, 19KOs nga rekord. (AFP, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph