GIKAN man diay ni sa maayong pamilya si Mocha Uson. Usa ka court prosecutor ang iyang papa, samtang ang iyang mama usa ka pediatrician.
Apan gipatay ang iyang papa sa wala mailhing mga mamumuno niadtong 2002.
Sa guesting niya sa Bottomline kang Boy Abunda, nitug-an si Mocha nga gradwado siya sa MedTech sa Sto. Tomas.
Ug bisan supak sa iyang kabubut-on, ni-proceed siya og medisina tungod kay mao kunoy gusto sa iyang mama.
Apan pag-second year college iyang gi-drop tanan niyang subjects aron ipadayon ang iyang damgo nga mag-singer-dancer sa wa pa siya nahimong sex blogger.
Impyerno
Bahin sa iyang lovelife, maila nga dili siya bukas niini. Niangkon si Mocha nga bisexual siya, apan mas prioridad kuno niya karon ang iyang 70-anyos nga inahan nga breast cancer survivor.
Kon molansar ba siya sa Senado, iya pa kunong timbangtimbangon. Gipangutana siya ni Boy Abunda kon kinsay gusto niyang dad-on sa impiyerno, ang iyang tubag:
“Siguro si Trillanes. Kasi siya ang hari ng fake news. Figuratively lang po ‘yon ah, yung pagpunta sa impyerno.”
Kontrabida?
Maayo pagkatubag ni Mocha ang interbyu kay at least, honest siya sa mga isyu nga dili siya sigurado, sama sa divorce ug same sex marriage.
Ang di lang nako ganahan kanang mokatawa siya kay maorag pinugos o peke ba? Maora siyag kontrabida sa teleserye. Pero buotan man kuno siya ingon pa niya.
Duda ko gi-screen na to daan ang mga pangutana sa kampo ni Mocha kay safe man kaayo siya manubag.
Duna say nihulagway sa interbyu nga superficial o gaan ra, ug maora kuno’g hadlok ang ABS-CBN muotingkay sa baho ni Mocha.
Ending na?
Okay man diay ang “Never Not Love You.” Mature na moarte silang James Reid ug Nadine Lustre dinhi ug very evident ang ilang on-screen chemistry.
Way duda nga usa ni sa mga da best sa JaDine in terms of acting. Pero sa estorya maorag nakuwangan ko.
Nagselos pa gani to si James Reid kay si Nadine nausab na kuno, mahilig nang mag-bar hop kauban ang mga higalang lalaki.
Unsa ba nga pag-uli ni James sa Pilipinas, the end na man dayon. O basin gihuman na lang sa direktor kay gikapoy na siya sa pagka-unprofessional sa JaDine?
Get well soon!
Akong mga pangaliya ni Baste Balboa nga naka-confine karon human ni na-stroke. Si Balboa mao ang pioneering sa recording industry panahon pa sa Vicor Records niadtong 70s hangtod nga nibalhin siya sa Alpha Records hangtod sa iyang pagretiro niadtong mga 2010. Get well soon, `pre. God is good!