Hearing sa umento sa pletihan sa PUJ

GIKINAHANGLAN na ang umento sa pletihan sa mga public utility jeepney sa Sugbo gumikan sa pagsaka sa presyo sa mga produktong petrulyo, sumala sa taas nga opisyal sa Cebu Integrated Transport Service Multi-purpose Coo­perative (Citrasco).

Ang Land Transportation Franchising and Regulatory Board (LTFRB) 7 nitakda sa public hearing sa giduso nga kausaban sa petition sa Citrasco nga nangayo og P1 umento sa minimum nga pletihan karong Oktubre 2, alas 9:30 sa buntag sa Cebu Normal University.

Sa kasamtangan, P6.50 ang minimum nga plite sa mga PUJ, apan ang ubang mga drayber maningil og P7.

Matod ni Ryan Benjamin Yu, chairman ug general ma­nager sa Citrasco nga P2 gani ang angay nga umento nga ilang pangayuon tungod sa pagsige og saka sa presyo sa mga produktong petrulyo.

Apan dili na siya moduso og laing kausaban sa ilang petition kay malangay kini og dungog.

“Gikinahanglan na ang increase karon sa mga drayber sa sige og saka sa presyo sa fuel,” pahayag niini.

Karong adlawa, gipaabot ang laing hugna sa pagsaka sa presyo sa mga produktong petrulyo nga ipatuman sa mga kompaniya og lana sa nasod.

Gibanabana nga 10 sentimos hangtod sa 20 sentimos ang pagsaka sa presyo sa matag litro sa diesel karong adlawa.

Samtang, giingong way pagsaka sa presyo sa kerosene.

Gawas sa Citrasco, dunggon usab sa LTFRB ang petition nga giduso sa Basak Lapu-Lapu City Jeepney Operators and Drivers Association Inc. -National Confederation of Transportworkers Union-Visayas nga nagtinguha og P1.50 nga usbaw sa pletihan.

Ang duha ka grupo nisang-at sa ilang isig ka petitions niadtong Abril ning tuiga. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph