SI Atty. Eugenio “Toto” Villareal, chairperson sa Movie and Television Review and Classification Board (MTRCB), nihatag og mini-Matalinong Panonood seminar sa mga sakop sa Daughters of Mary Immaculate International (DMI).
Ang kalihokan gipahigayon sa Liezl Martinez Hall sa MTRCB building niadtong September 7.
Si Atty. Villareal nakighiusa sa asosasyon sa mga kababayen-an nga Katoliko sa pagsul-ob sa gitawag nga “parent’s hat” ug pabor sa audience sensitivity, labi na sa sektor nga sagad daling mabiktima sama sa mga bata, kababayen-an, tiguwang ug katawhan nga dunay kabilinggan sa lawas.
Samtang, gipalihok sa mandato sa “pag-empower and protect the welfare of its stakeholders towards media literacy,” ang MTRCB padayon sa pagduso sa mga kalihokan sa “Matalinong Panonood” sa tanan.
“We have been going by groups to various provinces, schools, dioceses, and other organizations on a nationwide information campaign. We believe that the ratings and classification system, anchored on age-appropriateness of particular content, will serve no purpose if it is not understood and effectively used by the audience,” matod ni Villareal. (PR)