Hontiveros-Alaska camp, Agusto 1

ARON paghatag og igong kahigayonan, padayon pa gihapon ang registration sa Dondon Hontiveros-Alaska Aces Basketball Camp nga sugdan karong Sabado diha sa Don Bosco Technology Center, Pleasant Homes, Punta Princesa, dakbayan sa Sugbo.

Ang session ipahigayon matag Sabado ug Dominggo sa buntag sa bulan sa Agusto diin gawas sa basic training sa basketball aduna usay disiplina nga makat-onan ang mga partisipante.

“In every session we will give the kids a chance to play against each other. Unya mahimo sab ang ilang mga parents nga moapil sa duwa aron sab malingaw gyud ang mga bata. Then we also have tournaments or competition, pareha anang gibuhat sa PBA during sa All-Star Weekend nga may skills competition,” matod ni Hontiveros kinsa mibutyag nga magdala siya og mga trainers nga gikan sa Kaulohan.

Ang registration fee mokantidad og P2,500 diin aduna na kini duha ka jersey (Hontiveros ug Alaska jersey), bola ug mga gift packs gikan sa Alaska ug ubang mga sponsors.

Alang sa dugang pakisayod mahimong mo-text o motawag ni Riza Gabonia sa cell no. 0922 339 9289 o sa 0915 413 4373.

Mahimo usab nga mokontak ni Jun Migallen sa Sun.Star Superbalita pinaagi sa cellphone number 0915 441 0579. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph