USA ka pasyente ang gipangita human gilayasan ang bayrunon sa pribadong tambalanan nga nahimutang sa Hayes Street, Dakbayan sa Cagayan de Oro.
Nagpatala sa Police Station 2 sa Cogon si Janno Hicole. sekyu sa tambalanan ug nitaho nga nilayas si Keneth Jeanne (bansagon gipugngan), 20, nga lumulupyo sa Zone-7, Bulua ning dakbayan.
Sumala sa taho nga nilayas ang pasyente niadtong Mayo 30 ning tuig mga alas 11:00 sa gabii.
Gi-ingong nadala sa tambalanan ang pasyente ug na caesarean kini sa iyang pagpanganak hinungdan nga mokabat ngadto sa P85 mil ang medical billings niini.
Ang maong insidente ang nakatala na sa nahisgutang buhatan.(KCS)