GI-MONITOR na sa Bureau of Jail Management and Penology-Davao Region (BJMP-11) ang ilang mga personahe ug mga staff human masuta nga dunay jail guard nga dunay transaksyon sa piniriso sud sa Davao City Jail sa Barangay Maa sa siyudad sa Davao sa miaging bulan.
Kini ang gibutyag ni Jail Senior Inspector Roberto Gotico, head sa BJMP-Davao Personnel Records and Management Division (PRMD) and Human Resources Division, diin wa una nila ginganlan ang nasampit nga jail guard sanglit nagpadayon ang ilang imbestigasyon sa maong insidente.
Sumala ni Gotico nga ang nahisgutan anaa sa iyang rank nga Jail Officer 1 (JO1) kinsa na relib na ug nabalhin sa lahi nga prisohan sa probinsya sa rehiyon.
Dugang ni Gotico nga ang maong jail guard nakautang sa usa ka piniriso nga anaa karon sa Maa City Jail.
"We found out that he allowed other visitors to bring roll-ups inside the jail for these particular inmates to sell them. As we all know, roll-ups or cigarettes are considered contrabands, which means pinagbabawal ito sa loob," ingon ni Gotico.
Sumpay sa opisyal nga nasayran kini sa bureau ang ilang transaksyon dihang mireklamo na ang piniriso kay wa siya gibayran sa jail guard.
Nalisdan sab ang mga staff sa City Jail nga makuha pa ang ubang impormasyon sa hitabo, gumikan walay bisan usa nga motug-an sa hitabo gikan sa mga kaubanang piniriso.
"Ayaw magsalita ng ibang inmates—yung iba pinagtatakpan nila yung mga kasama nila at kung sino pa yung involved, yung iba takot mapa-sama, or talagang wala silang alam sa kalakaran. Ganun pa man nakabantay na kami," butyag pa.
Gipasigarbo sab sa opisyal nga anaa sa drug-free ang Davao City Jail subay sa ilang gihimong assessment, diin nakuha lamang sa sud mao ang mga sigarilyo, baraha, ug uban pang mga improvised weapons, apan dali sab kining gikumpiska atol sa ilang ulahing napahigayon nga Oplan Greyhound.