MALAMPUSON ang unang pagpahigayon sa “Kalinisan katawan Triskelion maasahan” sa Barangay Ug-Ug, dakbayan sa Naga nga gisalmutan sa labing menus 200 ka mga bata nga nagpuyo sa dapit niadtong Oktubre 17, 2015.
Usa kini sa programa nga gipasiugdahan sa Tau Gamma Phi, Tau Gamma Sigma Fraternity and Sorority nga ubos sa pagpangulo sa Naga Chapter ug gisponsoran kini sa Triskelion International Japan Council, Triskelion anti colorum, Triskelion International Brunei Council, Triskelion International State of Kuwait, Triskelion City sa Naga Cebu Chapter, Cebu Provincial Council, O.F.W Triskelion, Triskelion Friends ug Supporters.
Didto usab ilang gipakita ang panaghiusa ug pagtinabangay gumikan kay kini gikinahanglan kaayo alang sa kalambuan sa ilang programa.
Atol sa maong kalihukan nagpahigayon usab ang Tau Gamma Phi, Tau Gamma Sigma og pagpanghatag sa libreng personal hygiene sama sa toothpastes, toothbrushes, bath soaps ug uban pa.
Gawas sa mga libre nga hygiene kit ang mga bata gipailalom usab sa usa ka seminar aron mapatigayon ang hustong paggamit sa mga personal hygiene.
Katuyuan sa kalihokan mao paghatag sa nagkadaiyang panginahanglan sa mga batang residente sa maong barangay makapahimulos sa serbisyong panglawas og edukasyon. Gumikan sa kalampusan sa unang kalihukan tinguha karon sa mga miyembro sa Tau Gamma Phi/Sigma Fraternity and Sorority Naga Chapter nga ipadayon ang susamang kalihukan sa sunod nga tuig. (PR)