KANHI konsehal sa dakbayan sa Talisay, Emil Go, gipusil patay alas 6 kaganiha, adlaw Miyerkules, Marso 21.
Si Go didto sa payag nga nahimutang gawas sa iyang panimalay sa Mansueto Village, Bulacao, Talisay City.
Duha ka sakyanan, kolor puwa ug puti, ang nihunong sa tungod sa payag. Ang pasahero nga lalaki sa usa ka sakyanan nanaog ug dayong pusil ni Go sa ulo.
Sa pagkahagba ni Go, giusban kini og pusil.
Upat ka buto ang madungog sa pamilya.
Si Go adunay anak, si Frederick Go, nga nadakpan niadtong Mayo 2017 sa usa ka drug raid. Uban sa nadakpan ni Frederick mao ang usa ka pulis, si SPO1 Cielo Bonite, nga atol sa pagkadakop, na-assign sa Dumaguete City Police Station.