ISPESYAL nga adlaw sa mga inahan karong Mayo 14, adlawng Dominggo.
It's Mother's Day mao nga nagkamamu dili lamang mga malls, tindahan, bisan restaurant sa pag-andam og best offering alang sa mga pinalanggang “Ilaw ng Tahanan.”
Ang Rekado nga tinubdan sa lamiang Pinoy food ang may something special alang sa mga inahan.
Kini ang paggama nila og ispesyal nga menu nga idalit sa maong adlaw.
"Originally, we plan to do a buffet sa Mother's Day, pero na-realize namin kasi may iba na will be here and will just focus on a certain food. So we decided na mag-create na lang ng special menu for mothers," suma ni Lena Benedicto, nanag-iya sa Rekado Filipino Comfort Cuisine.
Uban sa tabang sa anak niyang si Chef Pauline, namugna ang "Sizzling Sinigang Tadyang."
“It’s a twist on one of mom's favorite dishes to cook. This dish is hearty and rich, it's a different take on sinigang but it's just as satisfying. It hits the spot just the same,” tsika ni Chef Pauline.
Ang Beef Tadyang gilat-an hangtud nga mahumok ang unod niini, gibutangan sa nagkadaiyang spices ug sagul, lakip na cream aron
ma-achieve ang perfect nga lasa.
Kung mahiligon ka sa creamy, medyo aslum, may nagpamaak nga kahalang sa lasa, swak kaayo kini nga dish!
Tungod sa unique nga lasa sa Sizzling Sinigang Tadyang, pangandam daan nga maguba gyud ang diet tungod sa kadaghang kan-on nga inyong mahurot.
Sa pikas bahin, luyo sa ispesyal nga menu alang Mother's Day, mga inahan nga mokaon sa resto makadawat og pahalipay gikan kanila.
"Every mother will receive a freebie, marami-rami rin yung hinanda natin. Naghanda kami ng something they can remember and use di ba. After they consume yung laman ng container, they can use it to other things," ni Lena.
Dugang ni Benedicto nga ang Mother's Day maoy 'biggest eating celebration' diin alas diyes pa lang sa buntag lauman na nila ang pagdagsa sa ilang mga suki.
"Open na kami by breakfast around 7 a.m., tuloy-tuloy na yan till we close ng 10:00 pm. Pagpasok ng diners sunod-sunod na yan."
Luyo sa ispesyal nga dish, ma-enjoy gihapon sa mga diners ang best sellers dish nila sama sa Calderobo, Gising-Gising, Boneless Crispy Pata and Kinilaw na Malasugue.
"We don’t change our menu, we just introduce lang ano yung bago. Kino-consider din natin yung time ng preparation na madali lang na di masyadong maghihintay yung diners natin."
Sa bag-ong offer sa Rekado, for sure si Nanay, Mama, Momsies makabaton sa special treat sa iyang ispesyal nga adlaw.
Happy Mother’s Day!
Alang sa mas lamiang Filipino dishes, duawa ang Rekado Filipino Comfort Cuisine sa 1050 Jacinto Extension, Davao City. Pwede sab silang makontak sa (63-82) 224-3031.