KAPULISAN sa tibuok rehiyon nangandam na sa pagsugod sa Misa de Gallo nga sugdan karong Biyenres sa kaadlawon, Disyembre 16, diin gipaabot nga modagsang ang mga debbotong Romano Katoliko sa mga dagkong simbahan.
Nipagawas og kamandon si Chief Supt. Noli Taliño, direktor sa Police Regional Offfice (PRO) 7, ngadto sa mga city ug provincial sirector nga pahugtan nila ang ilang siguridad pinaagi sa police visibility.
Usa sa mga pabantayan ni Taliño ang mga karsada nga dunay mga tawo nga magbaktas panahon sa sayong kabuntagon nga delikado kaayo sa mga kriminal.
Giangkon sa kapulisan nga duna pay pipila ka mga lugar sa Metro Cebu nga wala pay suga nga delikado sa mga debotong katoliko.
Gawas sa mga simbahan lakip sa iyang pabutangan ug mga police ang bus terminals, pantalan ug labing importante ang mga simbahan.
Magbutang usab sila ug mga police assistance desk nga maoy duolon sa mga tawo nga makasugat ug problema sa ilang pagsimba.
Usa sa gipangandaman sa kapulisan kining mga kawatan sulod sa simbahan diin ang ilang biktimahon kadtong mga nagdala ug bag nga samtang nag ampo dunay mokuha niini.
Matod ni Taliño, ang mga kriminal sa pagkakaron wala nay gipili nga bisan ang balay alampoanan mahimo na nilang lugar diin sila mohimo og krimen.
“Kaya ina advisan natin ang ating mga kababayan na dapat maging alerto sila kahit nasa loob ng simbahan at lalo na syempre sa labas,” matod ni Taliño.
Giangkon hinuon sa heneral nga wala pa sila makadawat ug direktang hulga gikan sa mga teroristang grupo apan wala sila mokompyansa.
Naka-full alert status gihapon ang kapulisan lukop nasud ug way police nga gitugotan nga maka leave sa ilang trabaho.
Apan gibahin sa PRO-7 ang ilang personnel diin ang 50% kanila mo duty sa pasko samtang ang laing porsiento sa pagsugat sa bag-ong tuig.
Gimandoan usab kadtong mga police nga off duty nga mosimba sa Misa de Gallo nga mahimong moapil sa paggbantay sa ilang palibot abag na usab sa mga naka duty nga mga pulis.
Lakip sa giawhag sa PRO-7 sa publiko mao ang pagbantay sa ilang mga panimay ug maayong dili mag hurot ug panglakaw sa pagpanimba aron dili mabiktima sa Akyat Bahay gang.