Kapulisan paniwangon

MADASIGONG nanguna si Police Regional Office (PRO)-Davao Region Director Chief Superintendent Manuel Gaerlan sa ilang athletic program niadtong Lunes, Septembre 25, sa San Pedro Square, Rizal Park, Davao City.

Ang programa kabahin sa challenge sa hanay sa kapulisan nga kinahanglan magpakubos og timbang ug kinahanglang makuha ang 34-inch waistline requirement.

"Well, isang napakagandang programa ito, noon pa na kailangan may requirement tayo sa waistline, para na rin sa pagpapanatiling malusog ang ating katawan," ingon ni Gaerlan.

Mokabat sa 1,000 ka mga pulis gikan sa PRO-Davao Region, lakip na ang gikan sa Davao City Police Office, ang mipailawom sa loss-weight challenge aron makuha ang 34-inch waistline requirement.

Nag-work out ng mga pulis nga wa kapasar sa requirement sama sa pag-jogging, arm workout ug boxing dungan na sab sa paglusad sa Fit Filipino nationwide weight loss challenge.

"Today nabawasan na ako nga 10 pounds," pasigarbo ni Gaerlan ngadto sa iyang mga personahe.

Sumala ni Gaerlan nga kung makuha kini sa mga pulis, molambo ang ilang abilidad ug disiplina diha sa pagpanakop sa mga kriminal.

Ang maong programa kabahin sa pagkolekta sa mga Filipino og 1 milyon pounds nga gibug-aton nga mahuman sa unom ka bulan diin nagsugod niadtong Hunyo 6 ug mahuman kini karong Disyembre 5 pinaagi sa 4-minute workout.

Tungod niini, ang kapulisan mihimo sab og kaugalingon nga programa nga mahimong kabahin sa maong adbokasiya.

Gitinguha sa kapulisan sa nasud nga ilang makuha ang total nga 500,000 pounds kon 227,000 kilos sa weight loss ubos sa "Mission: Slim Possible" sa hanay sa Philippine National Police. (With Eubelle John Mamacos, Addu Intern)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph