Katapusang away

GIKLARO ni Showtime executive vice president ug general manager of sports Stephen Espinoza nga ang away ni Floyd Mayweather Jr. karong Septiyembre mao na’y katapusan alang sa kasamtangang pound-for-pound champion.

Ang sunod nga away ni Mayweather maoy katapusan sa iyang dakong kontrata sa Showtime ug adunay mga hisgothisgot nga nakignegusasyon si Mayweather aron makakuha og pipila pa ka mga away.

u201cThere is not a shred of truth in all of these reports about an extension being negotiated. Neither Showtime or CBS have had any discussions regarding extending Floyd’s deal and there are no plans to do so,” matod ni Espinoza sa interbyu sa boxingscene.com.

u201cFloyd has told us very consistently that this will be his last fight and we take him at his word. Floyd has said that consistently since May 3rd.”

Giklaro ni Espinoza nga kon mausab ang hunahuna ni Mayweather, andam silang ma­kigne­gusasyon.

Sa laing bahin, giaprubahan ni World Boxing Council (WBC) pre­sident Mauricio Sulaiman ang panag-away nila ni Mayweather ug Andre Berto karong Septiyembre 12.

Si Mayweather maoy kasamtangang WBC welterweight champion samtang si Berto kanhi naggunit niini.

Sa pagtuo ni Sulaiman, adunay kapasidad si Berto aron makig-away kang Mayweather.

u201cBerto is a major fighter,” matod ni Sulaiman. “He had a very glorious moment when he was the WBC champion at welterweight, and then with Victor Ortiz, he had an impressive battle where both of them went down.”

Gituohan nga mopagawas na og opisyal nga pamahayag si Mayweather sa umaabot nga mga adlaw kabahin sa sunod niyang away.

Mao kini ang labing unang away ni Mayweather human sa iyang kadaugan batok kang Manny Pacquiao niadtong Mayo 2.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph