MIBANHIG-PATAY ni Sr. Insp. Jonas Tahanlangit, kanhi hepe sa Poro police station sa lungsod sa Poro, isla sa Camotes, miaging tuig nadakpan sa hiniusang pwers asa akpulisan lungsod sa Lilo-an ug Subangdaku police station sa dakbayan sa Mandaue sa miagog gabii..
Ang nasikop mao si Jeppe Rosal, 29, ug si Arnel Mata, 26, uban sa iyang manghod nga menor de edad.
Ang nakasibat suspek nga si Roquer Almereszalyas Arnel "RR" Alvaro, gikatahong napatay sa buy-bust operation sa Danao City police kagahapon sa hapon.
Ang mga suspek pulos taga Barangay Maslog, dakbayan sa Danao ug giingon mga sakop sa dakong sindikato sa gidiling drugas sa lalawigan sa Sugbo.
Nakuha gikan sa mga dinakpan ang mga gidiling drugas ug mga armas.
Si Chief Insp. Franco Rudolf Oriol, hepe sa Liloan Police Station nga nahinabi sa Sun.Star Superbalita, nagkanayon nga ang mga suspek unang gikaengkwnto niini si PO1 Eden Pepito, imbestigador sa Lilo-an Police mga alas 7:00 sa miaging gabii sa Barangay Yati.
Matud pa niini nga si PO1 Pepito, nakabilyan og sinina nga nagpaayo sa iyang motorsiklo sa usa ka shop sa nahisgutang dapit, diin ang upat ka mga suspek nagpaayo sab sa ilang duha ka motorsiklo nga Aura gi-cannibalized.
Gipadayag niini nga nagbahis ang upat nga nasuko sa mekaniko kun nganong dugay naayo ang ilang motorsiklo hinungdan nga gisita ni PO1 Pepito aron mokalma.
Apan si Rosal gikatahong nibunot sa iyang armas ug gipusil PO1 Pepito sud tulo kahigayon ug suwerte nga nijagar kini hinungdan sa daling pagsibat sa mga suspek.
Si PO1 Pepito nangayog back-up sa iyang mga kauban hinungdan nga nahinatabo ang ginukdanay hangtud nga nasigpatan ang upat sakay sa motorsiklo nga pulos armado mga alas 11:30 sa gabii sa Barangay Subangdako, Mandaue nahitabo ang pinusilay.
Si Alvaro, nasamdam sa tiil, nakasibat sakay sa motorsiklo, apan sila si Rosal, ug manag-gaw nga Mata, na-trap dihang misulod sa usa ka bar sa nahisgutang dapit nadakpan.
Nakuha nila ang 3 ka .38, kalibre .45, AR Riffle, daghang bala sa armas, mga bulto sa shabu nga mobalor sa P179, 714 mil pesos sa DDB value.
Si Sr. Insp. Nazarino Emia, hepe sa Provincial Intelligence Branch (PIB) sa Cebu Provincial Police Office (CPPO) nga nahinabi sa sa Sun.Star Superbalita nagkanayon nga sila si Rosal, maoy usa sa mga gunman nga nibanhig-patay kang Tahalangit.
Gibutyag niini nga mi-angkon si Rosal, gawas niini gitudlo sab kini sa mga saksi nga nahuptan nila sa kapulisansa Camotes, nga usa kini sa tulo ka mga suspek.
Matud Sr. Insp. Emia, nga ang grupo mga gun-for-hire hitman sa nabantog nga druglord nga si Arlvaro ‘‘Barok’ Alvaro, kinsa napiso karon sa CPDRC.
Gipadayag niini nga gumikan sa pagkasikop nila ni Rosal, daghan pang mga krimen sa Probinsiya sa Sugbu, nga ilang masubay sanglit dako ang ilang pagtuo nga daghang gipamatay ang grupo.
Sa pagkakaron, ilang gikuhaag dugang pmahayag si Rosal, kinsa off-and-on ang mga pamhayag niini nga daw dunay gitagoan o gikahadlukan nga tawo hinungdan nga ilang ipaubos sa mas lawom nga tactical interrogation.
Lakip sa ilang gisubay ang impormasyon sa mga kauban ni Rosal, kinsa mibutyag nga dunay 2 ka pulis sa dakbayan sa Danao, nga ilang tumbahon diin nakadawat na silag tag P50 mil ang matag usa niini.
Wa isalikway sa Provincial Intelligence Bureau (PIB) nga dako ang posiblidad nga grupo gihapon ni Barok, maoy utok sa pagpatumba sa duha ka pulis diin ilang nakita nga nakabalda sa ilang illegal nga kalihukan.
Si Sr. Insp. Emia nibutyag nga dako ang maong grupo hinungdan nga gitukan nila kini aron pag-abag sa Lilo-an Police, Danao Police, ug ubang units saingon ilang masubay ang ubang kauban niini.
Samtang, ang Police Regional Office (PRO) 7 nikonsiderar nga sulbad ang kasong pagpatay ni Tahanlangit human sa apgkasikop sa mga siuspek.
Si Chief Supt. Noli Taliño, direktor sa PRO 7, niingon nga ila unang paabuton ang dugang pamahayag ni Rosal kung si kinsa pa ang mga kaubanan niini sa pagbanhig kang Tahanlangit niadtong Abril ning tuiga sa isla sa Camotes.
Nagtuo ang heneral nga mga gun-for-hire ug sakop sa usa ka dakong drug group nga naglihok sa habagatang Sugbo anbg mga suspek.